BOUDEBOU GAITEIROS

Somos un cuarteto de música tradicional galega da comarca do Salnés, formado por duas gaitas, tambor, bombo e pandeireta.Tocamos con gaitas en tonalidade DO, SI natural e RE.

O noso afán é a divulgación da música tradicional do Salnés, e tamén a doutras zonas de Galicia, con seriedade e rigor musical, sen deixar de lado a calidade no son.

Boudebou Gaiterios vai máis alá dun grupo de gaitas, xa que forma parte da asociación que leva o mesmo nome (ASC. Cultural Boudebou) a cal ten por obxectivo fomentar a música tradicional galega, dándolle a importancia que merece, e os instrumentos asociados a ela dende unha perspectiva actual sen olvidar as suas orixes.  

Cando empezas a tocar a gaita o tambor ou o bombo sendo un neno, o que menos  imaxinas é rematar facendo un grupo, pasando as fins de semana tocando, levantando os festivos as 8 da mañá, dar alboradas baixo un sol de xustiza ou asistindo a unha gran cantidade de eventos e vodas...Todo por pasalo ben e botar unhas risas e unhas pezas cos compañeiros. Agora, pasados uns anos e votando un ollo a todo o vivido, queremos agradecer todo o apoio recibido nestes anos polos nosos compañeiros de Xironsa e a súa directiva, ao grupo Os Faiscas, sen eles nada desto sería posible e ademais servennos de motivación e de referencia; a Xaquín, que é un magnífico mestre, compañeiro e gaiteiro; a Nacho, sempre ao noso lado e a quen lle debemos moito, o grupo Arume de Boiro, dos cales nos impresiona o seu orgullo cómo gaiteros, a súa formación e o bravos que son... pero sobre todo, gracias ao Chilro, quen nos transmitiu a paixón pola gaita e quen para nós, sempre será o noso mestre, gran gaiteiro e persoa.